Nukissiuutinik atuinermi gassinik silaannarmik kissatsitsisartunik piiaaneq
Nunap iluani pinngortunit ikummatissiornermi gassit kissatsitsisartut kuldioxid CO2, metan aammalu lattergas silaannarmut piiarneqartarput. Kalaallit Nunaanni nukissiuutinik atuinermi kissatsitsisartunik aniatsitsinerup 2013-mi 99,5 % -ia CO2-minngaanneersuuvoq, metan 0,2 % aammalu lattergas 0,3 % -iulluni. Titartagaq 3.1.-mi tamakkiisumik piiaanerit CO2-ækvivalentinngorlugit takutinneqarput, piianerit CO2-mut assersuuneqarsinnaasut pissutaapput piiaanerit tamarmik assigiinngitsunik silaannarmut kissatsitsisarlutillu sunniuteqartarmata.
Gassinik silaannarmut kissatsitsisartunik piiaaneq Kalaallit Nunaanni ukiumiit ukiumut allanngorartarpoq uuliamik atuinerup annikillisimanera, annertusisimaneraluunniit allanngorsaanermi, assartuinermi toqqaannartumilluunniit kissaannerit qanoq annertutiginersut apeqqutaallutik. Gassinik silaannarmut kissatsitsisartunik piiaaneq 2011-mi annertunerpaaffissaminiippoq 2013-mili uuliamik misissuilluni putoorinerisoqannginnera, piujuartussamillu nukissiornerup annertusinera pissutaallutik gassinik silaannarmut kissatsitsisartunik piiaaneq 1995-miilli annertusiartorsimasoq annikinnerpaaffissaminiilerpoq.
Titartagaq 2.1. Nukissiuutinik atuinermit gassinik silaannarmut kissatsitsisartunik piiaaneq
Najoqqutaq: Naatsorsueqqissaartarfik